 |
    |
    |
 |
    |
    |
 |
 |
ఇతిహాసములు | ఉత్తరరామాయణము | దశముఖుఁడు తన పరివారంతో లంకంబ్రవేశించి పాలించుట |  |
దశముఖుఁడు తన పరివారంతో లంకంబ్రవేశించి పాలించుట
| ఉ. | అంతఁ బ్రహస్తుఁడుం జని దశాస్యున కెంతయు వేడ్క నంత వృ త్తాంతము విన్నవింప దరహాసముతో సభవారిఁ జూచినన్ వింతయె నీ భుజామహిమ! వీఱిఁడియే పగఁబూన రాజరా జింతకు గాసిగాఁడె పుర మీయకయుండిన నంచు వా రనన్ | 258 |
| కం. | అది నిజ మౌనని పలుకుచు మదిలోన ముదంబు వొదల మంచి ముహూర్తం బిది యని భార్గవనందను లదురుగడన్ వచ్చి తెలుప నద్దశముఖుఁడున్ | 259 |
| సీ. | తన పురోవీథి మాతామహుల్ మదమత్త - మాతంగములమీఁదఁ బ్రీతిఁజనఁగఁ దమ తల్లి కైకసీధవళాక్షి ముత్యాల - పల్లకిపై వారి పజ్జ నరుగఁ దన యిరుదెసల నిద్దఱు దమ్ము లపరిమి - తానీకినీయుక్తులగుచుఁ గొలువఁ దన వెంబడిన ప్రహస్తమహోదర సుపార్శ్వ - మారీచముఖ మంత్రిమణులు నడువ | |
| గీ. | దివ్యరథమెక్కి శంఖవాదిత్రవేణు కాహళాదుల రవము లాకాశమొరయ ఛత్రచామరకేతనచ్ఛాయ లొలయ వింశతిభుజుండు లంకఁ బ్రవేశమయ్యె. | 260 |
| మ. | అరుసం బొందుచు మాల్యవత్ప్రముఖపూర్వాదిత్యు లవ్వేళ బం గరు పీఠంబునఁ బంక్తికంఠు నిడి లంకాపట్టణాధ్యాసివై పరిపాలింపుము దైత్యపాళి ననుచుం బట్టాభిషేకం బొన ర్చిరి శుక్రాత్మజదత్తలగ్నమున భేరీశంఖముల్ మ్రోయఁగన్ | 261 |
| శా. | ఆ పౌలస్త్యకులేశ్వరుం డిటుల లంకాధీశ్వరుండై హిత వ్యాపారజ్ఞుల బంధులన్ సఖుల మిత్రామాత్యులన్ మాన్యభా షాపూర్వంబుగఁ దత్తదర్హపదవీ సంభావ్యులన్ జేసి వి ద్యాపాండిత్య తపోబలాన్వయ వయో-హంకారముల్ మీఱఁగన్ | 262 |
|
 |
|