ఆంధ్రభారతి - శ్యామా శాస్త్రి కీర్తనలు - శ్యామశాస్త్రి కీర్తనలు

పరజు - త్రిపుట (మాయామాళవగౌళ - )

పల్లవి:

నీలాయతాక్షీ నీవే జగత్సాక్షి॥

అను పల్లవి:

ఫాలాక్షుని రాణీ పాలితాశ్రిత శ్రేణి॥

చరణము(లు):

దీనరక్షకీ అభయదానమీయవే సామ
గానలోలే అభిమానమీయవే దేవీ॥

ఆదిశక్తి కౌమారీ మేదినిలో నిన్ను పొగడ
ఆదిశేషునికైన రాదిక నేమి జెప్పుదు దేవి॥

కామపాలిని విను నీ నామములే ధర్మార్థ
కామమోక్షమిచ్చేది శ్యామకృష్ణపాలినీ దేవీ॥