ఆంధ్రభారతి - తాళ్లపాక అన్నమాచార్య కీర్తనలు - అడ్డము చెప్పగరాదు అవుఁగాదనఁగరాదు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 195-5
సంపుటము: 2-490

తాళ్లపాక అన్నమాచార్య

రాగము: దేవగాంధారి

అడ్డము చెప్పగరాదు అవుఁగాదనఁగరాదు వొడ్డిన దనుభవించే దోపిక జీవులది	॥పల్లవి॥
యీరికలెత్తె జన్మము లిన్ని జంతువులయందు కోరికల గొనసాగెఁ గోటానఁగోటి నారుకొనె సంపదలు నానారూపములై తీరదేమిటా నీచిక్కు దేవుఁడు వెట్టినది	॥అడ్డ॥
అల్లుకొనెఁ గర్మములు అక్కడికి నిక్కడికి వెల్లవిరాయను మాయ వెనకా ముందు కెల్లురేఁగె దేహమందే కిమ్ముల చుట్టరికాలు పొల్లువో దెన్నఁడు భూమి పుట్టగాఁ బుట్టినది	॥అడ్డ॥
పండెను సంసారము ఫలమైన నానాఁటికి నిండెను నాలికకు నెమ్మదిఁ జవులు అండనే శ్రీవేంకటేశుఁ డంతర్యామై వుండి వండ వండనట్లుగ (?) వన్నె కెక్కెంచినది	॥అడ్డ॥