ఆంధ్రభారతి - తాళ్లపాక అన్నమాచార్య కీర్తనలు - ఎంతకెంత యిది యేమని పొగడుట - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 195-6
సంపుటము: 2-491

తాళ్లపాక అన్నమాచార్య

రాగము: శంకరాభరణం

ఎంతకెంత యిది యేమని పొగడుట యింత సేయ నీకు నెదురా వీరు	॥పల్లవి॥
పిడుగులఁ బోలెడి పెను నీ నఖములఁ కెడయక హిరణ్యుఁ డెట్లుండెనో వుడికెటి చక్రాయుధము వేఁడికిని జడియక మకరెటు వహించెనో	॥ఎంత॥
శరపరంపరల శిరములు నఱకఁగ యెరగొని రావణుఁ డేమనెనో పరియలు వారఁగ బ్రహ్మాండభాండము ఉరుశంఖరవం బోర్చుట యెట్లో	॥ఎంత॥
గాఁటపు నిష్ఠురగదాహతికి మధు- కైటభుల తలల కత లెట్లో యీటున శ్రీవేంకటేశ నీకృపను పాటించి దాసులు బ్రదుకుట యెట్లో	॥ఎంత॥