ఆంధ్రభారతి - తాళ్లపాక అన్నమాచార్య కీర్తనలు - నీయంత నీవే యెరిఁగి నిచ్చ నన్నుఁ గాతు గాక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 196-1
సంపుటము: 2-492

తాళ్లపాక అన్నమాచార్య

రాగము: దేవగాంధారి

నీయంత నీవే యెరిఁగి నిచ్చ నన్నుఁ గాతు గాక మాయలలోఁ బొరలే దిమ్మరివాఁడ నేను	॥పల్లవి॥
నీ సరివాఁడనా నిన్ను దూరేవాఁడనా దాఁసుడనై కొలిచిన తనుధారిని వేసరించ నోపుదునా వెరపించఁగలనా మాసిన పాపాలలోని మైల సోఁకినాఁడను	॥నీయం॥
విన్నవించేవాఁడనా వీడుజోడువాఁడనా అన్నిటా శరణుచొచ్చినట్టి జీవిని యెన్నిటి కుత్తరమిచ్చే యేపని సేసి మెప్పించే మున్నిటి కర్మములకు ముంగిట నున్నాఁడను	॥నీయం॥
యెదురాడేవాఁడనా యెలయించేవాఁడనా సదరాన నీకు మొక్కేజంతువ నేను ఇదివో శ్రీవేంకటేశ యెరుక నీ వొసగఁగా పొదిగి నీమహిమలు పొగడుచున్నాఁడను	॥నీయం॥