ఆంధ్రభారతి - తాళ్లపాక అన్నమాచార్య కీర్తనలు - చిరకాలధర్మములు చివుకు దవ్వఁగఁబోతే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 196-4
సంపుటము: 2-495

తాళ్లపాక అన్నమాచార్య

రాగము: లలిత

చిరకాలధర్మములు చివుకు దవ్వఁగఁబోతే హరిమఱుఁగు చొచ్చితి మాతఁడే రక్షించెను	॥పల్లవి॥
భువిఁ దొల్లి లేరా పుణ్యము సేసినవారు జవళిశాస్త్రములెల్లాఁ జదివినవారు లేరా దివి కెక్కి దేవతలై తేరినవారు లేరా యివల నే మివి సేసి యెవ్వరిఁ బోలేము	॥చిర॥
తగఁ దొల్లి వినమా తపము సేసినవారి జిగి నన్నియజ్ఞములు సేసినవారి వినమా మిగులా సిద్ధివడసి మించినవారి వినమా యెగువ నే మింతకంటే యెక్కుడు సేసేమా	॥చిర॥
పెక్కుమతములు చూచి బెండుపడ్డవారు లేరా పక్కన నన్నివిద్యలాఁ బరగినవారు లేరా వోక్కఁడే శ్రీవేంకటేశుఁ డుల్లములో నుండఁగాను యెక్కుడితనిఁ గొలువ కెవ్వరిఁ బోలేము	॥చిర॥