ఆంధ్రభారతి - తాళ్లపాక అన్నమాచార్య కీర్తనలు - అదివో చూడరో అందరు మొక్కరో - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 197-3
సంపుటము: 2-498

తాళ్లపాక అన్నమాచార్య

రాగము: పాడి

అదివో చూడరో అందరు మొక్కరో గుదిగొనె బ్రహ్మము కోనేటిదరిని	॥పల్లవి॥
రవిమండలమున రంజిల్లు తేజము దివిఁ జంద్రునిలో తేజము భువి ననలంబునఁ బొడమిన తేజము వివిధంబులైన విశ్వతేజము	॥అది॥
క్షీరాంబుధిలోఁ జెలఁగు సాకారము సారె వైకుంఠపు సాకారము యీరీతి యోగీంద్రులెంచు సాకారము సారెకు జగముల సాకారము	॥అది॥
పొలసిన యాగంబులలో ఫలమును పలు తపములలో ఫలమును తలఁచిన తలఁపుల దానఫలంబును బలిమి శ్రీవేంకటపతియే ఫలము	॥అది॥