ఆంధ్రభారతి - తాళ్లపాక అన్నమాచార్య కీర్తనలు - నీవే రక్షింతువుగాక నిన్ను నమ్మితిమి నేము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 197-5
సంపుటము: 2-500

తాళ్లపాక అన్నమాచార్య

రాగము: దేసాళం

నీవే రక్షింతువుగాక నిన్ను నమ్మితిమి నేము దైవమవై నీ వుండఁగ తగ మాదే బ్రదుకు	॥పల్లవి॥
కోరి వొకరాతివీరుఁ గొల్చి బతికీ నొకఁడు పైరు వొక్కచెట్టువెట్టి బతికేననీ నొకఁడు కూరిమిఁ బాము చేఁబట్టుకొని బతికీ నొకఁడు శ్రీరమణుని దాసుల చేతిదేపో భాగ్యము	॥నీవే॥
ఇసుమంత మన్ను వట్టి యేచి బతికీ నొకఁడు పసురము నింటఁ గట్టి బతికేననీ నొకఁడు పసగా వేలె డినుము పట్టి బతికీ నొకఁడు వసుధేశ నీవు గలవారి కేమి గడమ	॥నీవే॥
ఆకునలముఁ గసవునంటి బతికీ నొకఁడు లోకులు పెక్కుపాయాల లోలులై బతికే రదే యీకడ శ్రీవేంకటేశ ఇవెల్లా నీమహిమలే చేకొని నీమరఁగు చొచ్చినవారే ఘనులు	॥నీవే॥