ఆంధ్రభారతి - తాళ్లపాక అన్నమాచార్య కీర్తనలు - బయలు మొరంగగు పరమమాయ ఇది - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 197-6
సంపుటము: 2-501

తాళ్లపాక అన్నమాచార్య

రాగము: సామంతం

బయలు మొరంగగు పరమమాయ ఇది నయమున లోనై వగతురు గాని	॥పల్లవి॥
కలఁడు హరి యొకఁడు కావ జగములకు కలిగినతఁడు లేక మానఁడు తెలిసి ఇందరికిఁ దేరిన యర్థమే మలసి యప్పటి మరతురు గాని	॥బయ॥
పుట్టినదెల్లా భోగముకొరకే పుట్టిన భోగము పో దెపుడు పట్టి యీమాఁటలే పలుకుదు రిందరు మట్టులేక ఇది మరతురు గాని	॥బయ॥
కర్మము శ్రీవేంకటపతి కార్యము కర్మము దేహికిఁ గాణాచి ధర్మ మీదేవుని దాస్యం బందురు మర్మము లోకులు మరతురు గాని	॥బయ॥