ఆంధ్రభారతి - తాళ్లపాక అన్నమాచార్య కీర్తనలు - ఎఱిఁగితి నమ్మితి నితఁడు దయానిధి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 198-1
సంపుటము: 2-502

తాళ్లపాక అన్నమాచార్య

రాగము: శ్రీరాగం

ఎఱిఁగితి నమ్మితి నితఁడు దయానిధి మఱఁగులు మొరఁగులు మరి యిఁక లేవు	॥పల్లవి॥
వేదోద్ధరణుఁడు విశ్వరక్షకుఁడు ఆదిమూర్తి శ్రీఅచ్యుతుఁడు సోదించి కొలిచితి సుముఖుఁడై మమ్మేలె యేదెస మాపాల నితఁడే కలఁడు	॥ఎఱిఁ॥
పరమపురుషుఁ డాపన్నివారకుఁడు హరి శాంతుఁడు నారాయణుఁడు శరణంటి మితఁడు చేకొని కాచెను తరవాతిపనులఁ దప్పఁడితఁడు	॥ఎఱిఁ॥
హృదయాంతరంగుఁడు యీశ్వరేశ్వరుఁడు ఇదివో శ్రీవేంకటేశ్వరుఁడు వెదికితి మీతఁడు విడువఁడు మమ్మిఁక తుదకును మొదలికి దొరికినవాఁడు	॥ఎఱిఁ॥