ఆంధ్రభారతి - తాళ్లపాక అన్నమాచార్య కీర్తనలు - వెదకనేఁటికి నేయి వెన్న చేతఁ బట్టుకొని - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 198-5
సంపుటము: 2-506

తాళ్లపాక అన్నమాచార్య

రాగము: వరాళి

వెదకనేఁటికి నేయి వెన్న చేతఁ బట్టుకొని మొదలఁ గలిగితేనే ముందరాఁ గలుగుట	॥పల్లవి॥
తన పూర్వభావము తలఁచి మరవకుంటే పనివడి తనపుణ్యఫల మబ్బుట మనవార్తి నానాఁటిమాయ చూపెట్టకుండితే జనించిన తనకు విజ్ఞానసిద్ధి యగుట	॥వెద॥
పుట్టినయప్పటి తనభోగముఁ దలఁచుకొంటే కొట్టఁగొన తనకోర్కి కొనసాగుట నట్టనడిమి జగమునటనఁ దెలుసుకొంటే గుట్టుతోడి గురుబోధ గురుతు చేచిక్కుట	॥వెద॥
జీవకళ నంటినట్టి చిక్కు విదిలించుకొంటే దేవుఁడు తనచేఁ జిక్కి తిరమౌట శ్రీవేంకటేశుఁ డీతనిఁ జేరి శరణంటేను ఆవల నీవలఁ దాను అన్నిటా గెలుచుట	॥వెద॥