ఆంధ్రభారతి - తాళ్లపాక అన్నమాచార్య కీర్తనలు - కడనుండి చూచే నీకుఁ గనికరమైతేఁ గన - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 200-6
సంపుటము: 2-519

తాళ్లపాక అన్నమాచార్య

రాగము: దేసాళం

కడనుండి చూచే నీకుఁ గనికరమైతేఁ గన- బడి నన్నుఁ గావు నీతో బలిమేలే	॥పల్లవి॥
వొడలు మోచినయది యొకయపరాధము అడరి సంసారినౌటె యపరాధము బడి నిని పఱచిన పాట్లఁ బడకపోడు (దు?) యెడనీకు మొరవెట్ట నిఁకఁ జోటేదయ్యా	॥కడ॥
అన్నపానములు గొన్న దది యొక్కనేరమి వున్నతి సంపదఁ బొందు టొకనేరమి యిన్నియు ననుభవించి యిఁక నొల్లనంటేఁ బోదు విన్నపాలు సేసి నీతో విసుగఁ జోటేది	॥కడ॥
మదిలో నీవుండగాను మఱచిన దొకకల్ల అదనఁ గర్మాధికారనౌ టొకకల్ల యెదుట శ్రీవేంకటేశ యిట్టె నన్నుఁ గాచితివి తుద కెక్కితిమి యింకఁ దొలఁగఁగవలెనా	॥కడ॥