ఆంధ్రభారతి - తాళ్లపాక అన్నమాచార్య కీర్తనలు - ఎందరితోఁ బెనఁగేను యెక్కడని పొరలేను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 207-2
సంపుటము: 3-38

తాళ్లపాక అన్నమాచార్య

రాగము: సామంతం

ఎందరితోఁ బెనఁగేను యెక్కడని పొరలేను కందర్పజనక నీవే గతిఁ గాక మాకు	॥పల్లవి॥
నిక్కి నా బలవంతాన నే నే గెలిచేనంటే- నొక్కపంచేంద్రియముల కోపఁగలనా తక్కిన సంసారవార్ధి దాఁటఁగలనో మరి దిక్కుల కర్మబంధము తెంచివేయఁగలనో	॥ఎంద॥
పన్నుకొన్న పాయమున పరము సాధించేనంటే యెన్న నీ మాయ కుత్తర మియ్యఁగలనా వన్నెల నా మనసే పంచుకోఁగలనో మరి కన్నట్టి యీ ప్రపంచమే కడవఁగఁ గలనో	॥ఎంద॥
వుల్లములో నిన్ను ధ్యాన మొగి నేఁ జేసేనంటే తొల్లిటి యజ్ఞానము తోయఁగలనా ఇల్లి దే శ్రీవేంకటేశ యెదుటనే నీకు మొక్కి బల్లిదుఁడ నౌదుఁగాక పంద నేఁ గాఁగలనా	॥ఎంద॥