ఆంధ్రభారతి - తాళ్లపాక అన్నమాచార్య కీర్తనలు - ఎన్నఁడు మంచివాఁడ నయ్యేను నేను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 212-5
సంపుటము: 3-71

తాళ్లపాక అన్నమాచార్య

రాగము: సామంతం

ఎన్నఁడు మంచివాఁడ నయ్యేను నేను నన్ను నీవే మన్నించి నడుపవే దయివమా	॥పల్లవి॥
వేఁపమానికిని చేఁదు విడువక వుండేది యే పొద్దు సహజమే యెంతైనాను పాపపుణ్యలంపటానఁ బరగి వుండేటి నేను చాపలదుర్గుణినౌట సహజమే	॥ఎన్నఁ॥
పాముకు విషమెప్పుడు పండ్లఁ బెట్టుకుండేది భూమిలో సహజమే పొరి నెంతైనా కామక్రోధుఁడ నాకుఁ గరుణ యించుక లేక సామజపు దుర్మదము సహజమే	॥ఎన్నఁ॥
అటుగాన శ్రీవేంకటాధిప నాకిఁక వేరే తటుకన నేఁడు శాంతము వచ్చీనా ఘటన నీ కృపయందు గలిగిన మేలు నాపై తటుకన ముంచి నన్ను దరి చేర్పవే	॥ఎన్నఁ॥