ఆంధ్రభారతి - తాళ్లపాక అన్నమాచార్య కీర్తనలు - చేసినట్టే సేసుఁ గాక చింత మాకేలా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 217-2
సంపుటము: 3-91

తాళ్లపాక అన్నమాచార్య

రాగము: వరాళి

చేసినట్టే సేసుఁ గాక చింత మాకేలా వాసీ వంతూ నతనిదే వట్టి జాలి యేలా	॥పల్లవి॥
కర్మమూలమైనవి యీ కాయపువ ర్తనలెల్లా ధర్మమూలమైనది యీ దైవికము మర్మమైన వాఁడొక్కఁడే మనసులోనున్న హరి నిర్మిత మాతనిదింతే నేర నేనెంతవాఁడ	॥చేసి॥
ధనమూలమైనది యీ తగిన ప్రపంచమెల్లా తనువు మూలమైనది యీ తపసులెల్లా ననిచి యీ రెంటికిని నారాయణుఁడే కర్త కొనమొద లాతనిదే కొసరు మాకేల	॥చేసి॥
భోగమూలమైనది యీ పొందైన సంసారము యోగమూలము విరతి కొక్కటైనది యీ గతి శ్రీవేంకటేశుఁ డెట్టు వలసినఁ జేసు బాగులుగా నీతని శ్రీపాదమే మా దిక్కు	॥చేసి॥