ఆంధ్రభారతి - తాళ్లపాక అన్నమాచార్య కీర్తనలు - వివరము మాలినట్టి వెఱ్ఱిదేహి తొల్లి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 218-1
సంపుటము: 3-96

తాళ్లపాక అన్నమాచార్య

రాగము: గుండక్రియ

వివరము మాలినట్టి వెఱ్ఱిదేహి తొల్లి జవకట్టినంతే కాక చండ పోరనేఁటికే	॥పల్లవి॥
మనసంతే మంగళము మరి యెంత పొరలినా తనువు కొలఁదియే సత్వములెల్లాను తన కలిమెంచుకోక తగని మురిపెముల పెనఁగఁబోతే తీపు పిప్పిలోనఁ గలదా	॥వివ॥
చెంది విత్తిన కొలఁదే చేరి మొలచేటి పైరు అంది ఆఁకటి కొలఁదే ఆహారమెల్ల ముందువెనక చూడక మొక్కలపు పరువేల అందని మానిపంటికి నాసపడవచ్చునా	॥వివ॥
శ్రీవేంకటేశ్వరుఁ గొలిచిన కొలఁదియే మేలు భావించ నాతఁడిచ్చేది భాగ్యమెల్లాను వేవేలు మొక్కులేల వెస నానాఁటికి నెల్ల తోవగాని తోవఁ బోతే తుదకెక్కఁగలదా	॥వివ॥