ఆంధ్రభారతి - తాళ్లపాక అన్నమాచార్య కీర్తనలు - ఒక్కటి తరువాత వేరొకటై కాచుకుండు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 220-4
సంపుటము: 3-111

తాళ్లపాక అన్నమాచార్య

రాగము: గుండక్రియ

ఒక్కటి తరువాత వేరొకటై కాచుకుండు చక్క దెరనాటకము సంగతి సంసారము	॥పల్లవి॥
వొండె నాపద దీరితే నొండె సంపదైనా వచ్చు అండ నెన్నఁడుఁ దీరదు హరిఁ దలఁచ తండోపతండములై తలమోపులు పనులు చండిపెట్టి పనిగొను సంసారము	॥ఒక్క॥
పాప మొల్లనంటేను బలుపుణ్యమై తగులు యేపొద్దుఁ దీరదు హరి నిటు దలఁచ వోపనన్నాఁ బోనీదు వూరకైనఁ బనిగొను చాపకింది నీరువలె సంసారము	॥ఒక్క॥
పగలెల్లా నలసితే పైకొను రాతిరి నిద్ర అగపడ దెప్పుడును హరిఁ దలఁచ తగిలి శ్రీవేంకటాద్రి దైవమే పొడచూపఁగా జగడము సంతమాయ సంసారము	॥ఒక్క॥