ఆంధ్రభారతి - తాళ్లపాక అన్నమాచార్య కీర్తనలు - నీవు దేవుఁడవు నే నొక జీవుఁడ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 221-3
సంపుటము: 3-116

తాళ్లపాక అన్నమాచార్య

రాగము: సామంతం

నీవు దేవుఁడవు నే నొక జీవుఁడ యీ విధి నిద్దరి కెంతంతరువు	॥పల్లవి॥
పొడమిన జగములు పుట్టెడి జగములు గుడిగొనె మీ రోమకూపముల యెడయక నీరూప మేమని ధ్యానింతు అడరి మీవాఁడ నేననుటే కాక	॥నీవు॥
మునుపటి బ్రహ్మలు ముందరి బ్రహ్మలు మొనసి మీ నాభిని మొలచేరు ఘనుఁడవు నిన్నేగతి నేఁ దెలిసెద అనువుగ మిము శరణనుటే కాక	॥నీవు॥
సహజానందము సంసారానంద- మిహముఁ బరముగా నిచ్చేవు అహిపతి శ్రీవేంకటాధిప నీకృప మహిలో సేవించి మనుటే కాక	॥నీవు॥