ఆంధ్రభారతి - తాళ్లపాక అన్నమాచార్య కీర్తనలు - ఎక్కడి సుద్ది యీ భ్రమనేల పడేరు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 222-5
సంపుటము: 3-124

తాళ్లపాక అన్నమాచార్య

రాగము: సాళంగం

ఎక్కడి సుద్ది యీ భ్రమనేల పడేరు అక్కటా వో దేహులాల హరినే తలఁచరో	॥పల్లవి॥
బలుదేవతలకునుఁ బాయదట వ్యామోహము యిలపై నరులము నేమెంతకెంత కలదట మునులకుఁ గడ(డు?) రాగద్వేషాలు చలనచిత్తులము మా జాడ యిఁక నేది	॥ఎక్క॥
పరగఁ దొల్లిటివారు పంచేంద్రియబద్ధులట నెరవుగా ముక్తులమా నేఁటివారము అరిదిఁ బ్రపంచము మాయామయమట నేము దురితవర్తనులము తొలఁగేమా	॥ఎక్క॥
ఘన సిద్ధగంధర్వులు కడ గానలేరట దినమత్తులము మా తెలివేఁటిది యెనలేని శ్రీవేంకటేశ్వరు శరణుచొచ్చి మనువార మింతేకాక మరి గతియేది	॥ఎక్క॥