ఆంధ్రభారతి - తాళ్లపాక అన్నమాచార్య కీర్తనలు - అఱిముఱిఁ జూడఁబోతే నజ్ఞాని నేను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 223-2
సంపుటము: 3-127

తాళ్లపాక అన్నమాచార్య

రాగము: దేవగాంధారి

అఱిముఱిఁ జూడఁబోతే నజ్ఞాని నేను మఱఁగు చొచ్చితి మీకు మహిలో నారాయణా	॥పల్లవి॥
నిన్ను ధ్యానము సేసీని నిచ్చనిచ్చఁ దాళ్లపాక- అన్నమయ్యఁగా రెదుట నదిగోవయ్య పన్ని యాతనినే చూచి పాతకులమైన మమ్ము మన్నించవయ్య వో మధుసూదనా	॥అఱి॥
సంకీర్తనలు సేసీ సారెఁ దాళ్లపాకన్నయ్య అంకెల నీసన్నిధినే అదిగోవయ్య అంకించి నే వారివాఁడనని దుష్టుడనైనా నా- సంకె దీరఁ గావవయ్య సర్వేశ్వరా	॥అఱి॥
పాదాలం దున్నాఁడు దాళ్లపాకన్నమయ్య మీకు ఆదరాన ముక్తుఁడై అదిగోవయ్య యీదెస శ్రీవేంకటేశ యీసమ్మంధాననే నన్ను నీదయపెట్టి రక్షించు నెమ్మది భూరమణా	॥అఱి॥