ఆంధ్రభారతి - తాళ్లపాక అన్నమాచార్య కీర్తనలు - ఏడ పెద్దల మెట్టైతిమో మరి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 223-4
సంపుటము: 3-129

తాళ్లపాక అన్నమాచార్య

రాగము: కాంబోది

ఏడ పెద్దల మెట్టైతిమో మరి తోడనే నవ్వేము దొరకొని మమ్మును	॥పల్లవి॥
పంచేంద్రియములఁ బట్టగ లేమట యెంచఁగ వివేక మెన్నటికి అంచెల మమతల నణఁచఁగలేమట పొంచిన బుద్ధులు భువి నెన్నటికి	॥ఏడ॥
వెడవెడ నాసలు విడువఁగ లేమట యెడయని ధైర్యం బెన్నటికి తొడుసగు బంధముఁ దుంచఁగ లేమట బెడిదపు తనలో బిరుదెన్నటికి	॥ఏడ॥
కామక్రోధములఁ గడవఁగ లేమట యీమానుషములు యెన్నటికి కామించ శ్రీవేంకటపతి గలఁడట నేమపుతపముల నే మెన్నటికి	॥ఏడ॥