ఆంధ్రభారతి - తాళ్లపాక అన్నమాచార్య కీర్తనలు - ధర్మాధర్మములాల దైవములాల - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 224-5
సంపుటము: 3-136

తాళ్లపాక అన్నమాచార్య

రాగము: దేవగాంధారి

ధర్మాధర్మములాల దైవములాల నిర్మిత మాతఁడే కాని నే నేమీ నెఱఁగ	॥పల్లవి॥
పుట్టించేటివాఁడు హరి పుట్టెడివాఁడ నేను నెట్టన నున్న పనులు నే నెఱఁగ వెట్టివాఁడ నేనింతే విష్ణుఁడు నా కేలికె చుట్టిన నడుమంత్రాల సుద్దులూ నెఱఁగ	॥ధర్మా॥
లోకము దేవునిమాయ లోనైనవాఁడ నేను చేకొని కర్మములలో చేఁతలెరఁగ సాకిరి మాత్రము నేను సర్వజ్ఞుఁడాతఁడు దాకొని నేఁ దలఁచేటి తలఁపూ నెఱఁగ	॥ధర్మా॥
అంతరాత్మ యాతఁడు ఆతనిబంట జీవుఁడ పంతాన నాలోపలి భావ మెరఁగ యింతయు శ్రీవేంకటేశుఁ డిటువంటివాఁడ నేను చెంతల నానందమిది చెప్పనేమీ నెఱఁగ	॥ధర్మా॥