ఆంధ్రభారతి - తాళ్లపాక అన్నమాచార్య కీర్తనలు - పట్టి పిసుక నిఁక బనిలేదు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 224-6
సంపుటము: 3-137

తాళ్లపాక అన్నమాచార్య

రాగము: శంకరాభరణం

పట్టి పిసుక నిఁక బనిలేదు గుట్టు దెలిసితే గులగులలు	॥పల్లవి॥
ఆలకించితే నంతా హేయమె సోలి భోగములు సుజ్ఞానికి మేలు దెలుసుకొని మెచ్చెదమంటే నాలికెఁ గడచితే నరకములు	॥పట్టి॥
యెంచి చూచితే నింతా నెరవె పొంచి ప్రపంచము పుణ్యునికి దించక తిరిగే తిమ్మటలన్నియు అంచల వెఱ్ఱుల‌ అలమటలు	॥పట్టి॥
పట్టినదెల్లా బ్రహ్మానందమె గట్టిగ శరణాగతునికిని యిట్టె శ్రీవేంకటేశు కరుణ నిఁక పుట్టినప్పుడే భోగ్యములు	॥పట్టి॥