ఆంధ్రభారతి - తాళ్లపాక అన్నమాచార్య కీర్తనలు - తలఁచినప్పుడు వచ్చు దయ యెప్పుడూఁ దలఁచు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 225-3
సంపుటము: 3-140

తాళ్లపాక అన్నమాచార్య

రాగము: దేసాక్షి

తలఁచినప్పుడు వచ్చు దయ యెప్పుడూఁ దలఁచు కలసిన బంధువుఁడు కమలారమణుఁడే	॥పల్లవి॥
ఆతుమలోననే వుండు అన్నిటాఁ బాయనివాఁడు యీతల నాతలఁ దానే యేమైనా నిచ్చు చేతిలోఁ జేసే కర్మాలు చెడనియ్యఁ డెన్నఁడును ఆతుర బంధువుఁడు హరి యొక్కఁడే	॥తలఁ॥
నిచ్చలు విందులు వెట్టు నెలఁతల నొడఁగూర్చు యిచ్చెరిఁగి కప్ప గోకలెందైనాఁ దెచ్చు మెచ్చు నేమిటికినైనా యిచ్చినవి గైకొను ముచ్చటైన బంధువుఁడు ముకుందుఁడే	॥తలఁ॥
తోడునీడై వచ్చు మరి దొరతనము సేయించు పాడితోఁ బంచేంద్రియాలఁ బంపు సేయించు మేడెపు సంసారములో మించిన నిద్ర దెలుపు వేడుక బంధువుఁడు శ్రీవేంకటేశుఁడే	॥తలఁ॥