ఆంధ్రభారతి - తాళ్లపాక అన్నమాచార్య కీర్తనలు - నారాయణుఁ డీతఁడు నరులాల - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 225-4
సంపుటము: 3-141

తాళ్లపాక అన్నమాచార్య

రాగము: వసంతవరాళి

నారాయణుఁ డీతఁడు నరులాల మీరు శరణనరో మిమ్ముఁ గాచీని	॥పల్లవి॥
తలఁచిన చోటను తానే వున్నాఁడు వలెననువారి కైవసమెపుడు కొలచెను మూఁడడుగుల జగమెల్లాను కొలిచినవారిఁ జేకొనకుండునా	॥నారా॥
యెక్కడఁ బిలి(చి)నా నేమని పలికి మొక్కిన మన్నించు మునుముగను రక్కసుల నణఁచి రక్షించు జగములు దిక్కని నమ్మినఁ దిరముగా నేలఁడా	॥నారా॥
చూచిన యందెల్ల చూపును రూపము వోచికఁ (?) బొగడిన వుండు నోటను యేచిన శ్రీవేంకటేశుఁడే యితఁడట చేచేతఁ బూజింప సేవలు గొనఁడా	॥నారా॥