ఆంధ్రభారతి - తాళ్లపాక అన్నమాచార్య కీర్తనలు - అంజనాతనయుఁడైన హనుమంతుఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 225-6
సంపుటము: 3-143

తాళ్లపాక అన్నమాచార్య

రాగము: సాళంగనాట

అంజనాతనయుఁడైన హనుమంతుఁడు రంజితపు మతంగపర్వత హనుమంతుఁడు	॥పల్లవి॥
రాకాసునెల్లాఁ గొట్టి రావణుని భంగపెట్టి ఆకాసము మోచెనదే హనుమంతుఁడు చేకొని యుంగరమిచ్చి సీతకు సేమము చెప్పె భీకర ప్రతాపపు పెద్ద హనుమంతుఁడు	॥అంజ॥
రాముని మెప్పించి మధ్యరాతిరి సంజీవి దెచ్చి ఆముకొని యున్నాఁడు హనుమంతుఁడు స్వామికార్యమునకే సరిఁ బేరువడ్డవాఁడు ప్రేమముతోఁ బూజగొనీఁ బెద్ద హనుమంతుఁడు	॥అంజ॥
ఉదయాస్తశైలముల కొక్కజంగగాఁ జాఁచి అదె సూర్యుతోఁ జదివె హనుమంతుఁడు యెదుట శ్రీవేంకటేశు కిష్టుఁడై రామజపానఁ బెదవులు గదలించీఁ బెద్ద హనుమంతుఁడు	॥అంజ॥