ఆంధ్రభారతి - తాళ్లపాక అన్నమాచార్య కీర్తనలు - అవధారు దేవ హరికులరామ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 226-1
సంపుటము: 3-144

తాళ్లపాక అన్నమాచార్య

రాగము: సాళంగనాట

అవధారు దేవ హరికులరామ వివిధమై నీబంటు వెలయుచున్నాఁడు	॥పల్లవి॥
అదె కలశాపురము హనుమంత రాయఁడు కదనములోన రక్కసులఁ గొట్టి యెదుట నిందరిలోన నేకాంగవీరుఁడై కొదలేక ప్రతాపించి కొలువై వున్నాఁడు	॥అవ॥
చల్లని వనాలనీడ సాగుడుఁ గొండలోన వల్లెగా వేసుకొన్న వాలముతోడ పల్లదాన వలకేలు పంతమున నెత్తుకొని కొల్లున మంటపములోఁ గొలువై వున్నాఁడు	॥అవ॥
పెక్కు పండ్లగొలలు పిడికిటఁ బట్టుకొని చక్కఁగాఁ బెరిగి పెద్దజంగ చాఁచి యిక్కువ శ్రీవేంకటాద్రి నిరవైన సర్వేశ గుక్కక నీపై భక్తిఁ గొలువై వున్నాఁడు	॥అవ॥