ఆంధ్రభారతి - తాళ్లపాక అన్నమాచార్య కీర్తనలు - రెక్కలకొండవలె మీరిన బ్రహ్మాండమువలె - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 226-2
సంపుటము: 3-145

తాళ్లపాక అన్నమాచార్య

రాగము: మాళవిగౌళ

రెక్కలకొండవలె మీరిన బ్రహ్మాండమువలె వెక్కసమైన తేరుపై వెలసీని దేవుఁడు	॥పల్లవి॥
బిఱబిఱఁ దిరిగేటి పెనుబండికండ్లతో గుఱుతైన పడగెల గుంపులతో తఱితో ధరణి గ్రక్కదలఁ గదలెను తేరు మెఱసీ వీధివీధుల మేఁటియైన దేవుఁడు	॥రెక్క॥
ధగధగమను నాయుధపు మెరుఁగులతోడ జిగిమించుఁ బగ్గముల చేరులతో పగటు రాకాసులపైఁ బారీనదె తేరు నిగిడి నలుదిక్కుల నీటు చూపీ దేవుఁడు	॥రెక్క॥
ఘణఘణ మనియెడి గంటల రవముతోడ ప్రణుతి నలమేల్మంగ పంతాలతోడ రణములు గెలిచి మరలెనదే తిరుతేరు గణుతికెక్కెను శ్రీవేంకటగిరిదేవుఁడు	॥రెక్క॥