అధ్యాత్మ సంకీర్తన
రేకు: 226-3
సంపుటము: 3-146
రేకు: 226-3
సంపుటము: 3-146
తాళ్లపాక అన్నమాచార్య
రాగము: దేసాళం
| ఇందిరయుఁ దానుఁ గూడి యిట్టె వరాలొసఁగు తా సందడించి దిక్కులెల్లా సాధించీ నిదివో | ॥పల్లవి॥ |
| వేదములే గుఱ్ఱములు విష్ణుని రథమునకు వాదపు శాస్త్రములే తీవ్రపుఁ బగ్గాలు పాదగు పంచభూతాలే పరగు బండికండ్లు ఆదిగొని మనోవీధులందు నేఁగీ నిదివో | ॥ఇంది॥ |
| జీవులెల్లా సారథులు శ్రీవిభుని తేరునకు కావించుఁ నెజ్ఞాలు పడిగల గుంపులు భావించఁ దన ప్రకృతి పట్టపుసింహాసనము వేవేలు సంపదలతో వెలసీ నేఁడిదివో | ॥ఇంది॥ |
| చందురుఁడు రవియును సరుస బైఁడికుండలు చెందిన పుణ్యములెల్ల సింగారాలు అందపు శ్రీవేంకటేశుఁ డలమేలుమంగఁ దాను కందువల మెరయుచు కరుణించీ నిదివో | ॥ఇంది॥ |