ఆంధ్రభారతి - తాళ్లపాక అన్నమాచార్య కీర్తనలు - విన్నపము లేమి సేసే వేగినంతాను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 226-4
సంపుటము: 3-147

తాళ్లపాక అన్నమాచార్య

రాగము: ఆహిరి

విన్నపము లేమి సేసే వేగినంతాను మన్నించి రక్షించే నీ మహిమలే ఘనము	॥పల్లవి॥
నీవంక నేరమి గద్దా నేనే అపరాధిని దేవ నే జడుఁడఁగాన తెలుసుకోను వావాత మీగురుఁ డాడేవాక్యము నీయాధీనము పావనమైన నీపలుకెల్లా సత్యము	॥విన్న॥
మంచితనమల్లా నీదె మాయదారివాఁడ నేను చంచలుఁడఁ గనక వివా(చా?)రించుకోను అంచల నీదాసుని ‌ఆనతి యమోఘము యెంచ నీవిచ్చిన వరమెం(మిం?)దుకంటే బలువు	॥విన్న॥
కరుణెల్లా నీసొమ్ము కఠినచిత్తము నాది నరుఁడఁ గనక అట్టె యరసుకోను పరగ మా జనకుని ప్రతిజ్ఞయు నీపంపు నిరతి శ్రీవేంకటేశ నీపంతము సతము	॥విన్న॥