ఆంధ్రభారతి - తాళ్లపాక అన్నమాచార్య కీర్తనలు - మొక్కరయ్య అన్నిటికి మూల మీతఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 226-5
సంపుటము: 3-148

తాళ్లపాక అన్నమాచార్య

రాగము: రామక్రియ

మొక్కరయ్య అన్నిటికి మూల మీతఁడు చుక్కలు మొలపూసలై సొంపుమీరీ నితఁడు	॥పల్లవి॥
అదె కలశాపుర హనుమంతుఁడు వుదయార్కు ఫలమని వొగ్గుచున్నాఁడు వుదుటు బాలక్రీడ నుబ్బుచున్నాఁడు మదించి రామునిబంటై మలయుచున్నాఁడు	॥మొక్క॥
జలనిధి కొకజంగ చాఁచుకున్నాఁడు యిలఁ బ్రతాపమునఁ జేయెత్తుకున్నాఁడు బలువాల మల్లార్చి పట్టుకున్నాఁడు వెలయఁగఁ గీలుగంటు వేసుకున్నాఁడు	॥మొక్క॥
సరుగ లంకారాజ్యము సాధించినాఁడు అరిది సీతకు సేమ మందించినాఁడు నిరతి శ్రీవేంకటాద్రినిలయునికి పరగిన సేవలనుఁ బ్రబలుచున్నాఁడు	॥మొక్క॥