ఆంధ్రభారతి - తాళ్లపాక అన్నమాచార్య కీర్తనలు - అక్కలాల చూడుఁ డందరును - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 226-6
సంపుటము: 3-149

తాళ్లపాక అన్నమాచార్య

రాగము: శంకరాభరణం

అక్కలాల చూడుఁ డందరును నిక్కి వారవట్టీ నేఁడు గృష్ణుఁడు	॥పల్లవి॥
ఆనవాలవుట్టి అడుకులవుట్టి పానకపుటుట్టి బలిమినే ఆనుక కోలల నందియంది కొట్టి తేనెవుట్టి (?) గొట్టీ దేవకీసుతుఁడు	॥అక్క॥
పెరుగువుట్టి మంచి పేరిన నేతివుట్టి సరివెన్నవుట్టి చక్కెరవుట్టి వెరవుతోఁ గొట్టి వెస బాలులతో పొరుగువుట్టి (?) గొట్టీ పొంచి రాముఁడు	॥అక్క॥
మక్కువ నలమేలుమంగఁ గూడి నేఁడు చొక్కి శ్రీవేంకటేశుఁడు వీధుల నిక్కి వుట్లెల్లా నిండాఁ గొట్టి వుట్టి(?)- చక్కిలాలు గొట్టీ జగతీశుఁడు	॥అక్క॥