ఆంధ్రభారతి - తాళ్లపాక అన్నమాచార్య కీర్తనలు - శ్రీపతి యీతఁడుండగాఁ జిక్కినవారి నమ్ముట - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 230-2
సంపుటము: 3-169

తాళ్లపాక అన్నమాచార్య

రాగము: లలిత

శ్రీపతి యీతఁడుండగాఁ జిక్కినవారి నమ్ముట తీపని మీసాలమీఁది తేనె నాకుట సుండీ	॥పల్లవి॥
తలఁచినంతటిలోనె దైవ మెదుటఁ గలఁడు కొలువనేరనియట్టి కొరతే కాని ఇల నరులఁ గొలుచు టెందో కోకలు వేసి బలుకొక్కెరలవెంటఁ బారాడుట సుండీ	॥శ్రీప॥
శరణన్నమాత్రమున సకలవరము లిచ్చు నిరతి మరచినట్టి నేరమే కాని పోరి నితరోపాయానఁ బొరలుట గాజుఁబూస గరిమ మాణికమంటాఁ గట్టుకొంట సుండీ	॥శ్రీప॥
చేత మొక్కితేఁ జాలు శ్రీవేంకటేశుఁడు గాచు కాతరాన సేవించని కడమే కాని యీతల నిది మాని మరెన్నిపుణ్యాలు సేసినా రీతి నడవిఁగాసిన రిత్తవెన్నెల సుండీ	॥శ్రీప॥