అంటఁబారి పట్టుకోరె అమ్మలాల యిదె వెంటఁ బారనీదు నన్ను వెడమాయ తురుము	॥అంట॥
కాఁగెడు పెరుగు చాడె కవ్వముతోఁ బొడిచి లేఁగలఁ దోలుకొని అలిగిపోయీని రాఁగతనమున వాఁడె రాతిరి నారగించఁడు ఆఁగి నన్నుఁ గూడడిగె నయ్యో ఇందాఁకను	॥అంట॥
కొలఁదిగాని పెరుగు కొసరికొసరి పోరి కల వూరుఁగాయలెల్లఁ గలఁచిపెట్టె పలుకఁడు చేతి[1]చట్టి పారవేసి పోయీనదె చెలఁగుచు మూఁటగట్టెఁ జెల్లఁబో యిందాఁకను	॥అంట॥
మట్టుపడ కిటు నూరుమారులైనా నారగించు ఇట్టె యిందరిలోని నిన్నాళ్ళును వెట్టికి నాకొరకుఁగా వేంకటేశుఁ డారగించె[2] యెట్టు నేఁ డాఁకట ధరియించెనో యిందాఁకను	॥అంట॥

---

^[1] పెదరేకు 3- చద్ది. ‘చద్ది’ పాఠము సా.రే.లోనే కలదు. ‘చట్టి’ పాఠము దేనిలోనిదో?

^[2] పెదరేకు 3- గించు.