ఆంధ్రభారతి - తాళ్లపాక అన్నమాచార్య కీర్తనలు - అక్కటా నీమాయ కగపడె జీవుఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 236-3
సంపుటము: 3-206

తాళ్లపాక అన్నమాచార్య

రాగము: ఆహిరి

అక్కటా నీమాయ కగపడె జీవుఁడు యెక్కువతక్కువ లివి యేమీఁ దలపోయఁడు	॥పల్లవి॥
గొందినున్న స్వర్గము గోరి పుణ్యము సేయును యెందో తన వ్రాఁతఫల మెరఁగడు సందడించి మరునాఁటి చవులకే కూడపెట్టు పొంది మింగిన కళ్ళపులుసర మెంచఁడు	॥అక్క॥
అప్పటి దేహసమ్మంధపాలికే మనసు పెట్టు తప్పిపోయినవారలఁ దగులఁడు కప్పుకొనే కోకలకే కడఁగి చేతులు చాఁచు చిప్పిలఁ దొల్లి చించివేసినవెన్నో యెంచఁడు	॥అక్క॥
యెదిటిగృహారామాలివే తనకాణాచను చెదరి కలలోనివి చేపట్టడు వెదకు వైకుంఠపు విష్ణుమూ ర్తిఁ గనేనని హృదయములో శ్రీవేంకటేశుఁ జూడనెంచఁడు	॥అక్క॥