ఆంధ్రభారతి - తాళ్లపాక అన్నమాచార్య కీర్తనలు - లే దందువల్లఁ దెలివి యెన్నటికిని - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 237-4
సంపుటము: 3-213

తాళ్లపాక అన్నమాచార్య

రాగము: శుద్ధవసంతం

లే దందువల్లఁ దెలివి యెన్నటికిని నీ దయ నాపై నించినఁ గాని	॥పల్లవి॥
అరయఁగఁ బ్రపంచ మలవడినటువలె అరుదగు వై రాగ్య మలవడదు తరుణులరతి మతిఁ దలఁచినయటువలె ధర నీ సాకారము దలఁచదు మనసు	॥లేదం॥
గొనకొన్న యర్థము గోరినయటువలె కొనయగు మోక్షము గోరదు తనుభోగములకుఁ దగిలినయటువలె తనిసి నీకథలకుఁ దనియదు మనసు	॥లేదం॥
చలమును బాపము చవియైనటువలె సలలితపుణ్యము చవిగాదు సులభ శ్రీవేంకటేశుఁడ నీమహిమిది గలిగితివి నాకుఁ గలఁగదు మనసు	॥లేదం॥