ఆంధ్రభారతి - తాళ్లపాక అన్నమాచార్య కీర్తనలు - పామరుల కెంతైనా ఫలియించనేరదు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 237-5
సంపుటము: 3-214

తాళ్లపాక అన్నమాచార్య

రాగము: ముఖారి

పామరుల కెంతైనా ఫలియించనేరదు శ్రీమాధవ నీవు దయసేసితే నీడేరును	॥పల్లవి॥
అన్నిటా దైవముఁ దమ్ము నందరు నెరుఁగుదురు యెన్నుక వావివర్తన లెరుఁగుదురు పన్ని జననమరణభయము లెరుఁగుదురు వన్నెల నెరిఁగెరిఁగి వలలఁ జిక్కుదురు	॥పామ॥
విందురు పురాణాలు విందు రుపదేశాలు విందురు తొల్లిటివారి విచారాలు విందురు స్వర్గనరకవిభవము లన్నియును మందలించి వినివిని మాయకు లోనౌదురు	॥పామ॥
నడతు రాచారమున నానాదానాలుఁ జేతురు విడువక తీర్థయాత్ర వెసఁ జేతురు యెడయక శ్రీవేంకటేశ నీవుండఁగఁ దప- మడవులఁ జేసిచేసి అలయుచుండుదురు	॥పామ॥