ఆంధ్రభారతి - తాళ్లపాక అన్నమాచార్య కీర్తనలు - ఎవ్వరి వసము గెల్వ నింతా వీనిమయమే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 239-4
సంపుటము: 3-225

తాళ్లపాక అన్నమాచార్య

రాగము: ముఖారి

ఎవ్వరి వసము గెల్వ నింతా వీనిమయమే యివ్వల నీవు గాచితేనేమో కాని	॥పల్లవి॥
వొక్కలోభము నెంచితే వొగి లోకమెల్లాఁ దానే యెక్కడ చూచినాఁ దానే యీదీపనము వెక్కసమైనది తానే వేగిలేచి సేసేపని తక్కక యిన్నిటా నెట్టు తప్పించుకోవచ్చును	॥ఎవ్వ॥
పలుమారు వచ్చీఁదానే పనిలేని పరాకు వళచుకొన్నది తానే వట్టిభీతి నిలుచుకున్నది తానే నిలువుననే సిగ్గు మెలుపున నెటువలె మెదలఁగవచ్చును	॥ఎవ్వ॥
కనుగొంటే నెందూఁ దానే కార్పణ్యము దైన్యము అనిశము మించీఁ దానే యాచకత్వము నను నేలకొంటి విదే నమ్మితి శ్రీవేంకటేశ జనుఁడను యివి నేను సాధించుటెట్టు	॥ఎవ్వ॥