ఆంధ్రభారతి - తాళ్లపాక అన్నమాచార్య కీర్తనలు - ఆదిదేవుఁడై అందరి పాలిటి- - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 21-3
సంపుటము: 1-127

తాళ్లపాక అన్నమాచార్య

రాగము: సామంతం

ఆదిదేవుఁడై అందరి పాలిటి- కీ దేవుఁడై వచ్చె నితఁడు	॥ఆది॥
కోరిన పరమయోగుల చిత్తములలోన యేరీతి నుండెనో యీతఁడు చేరవచ్చిన యాశ్రితులనెల్లఁ బ్రోవ యీరీతి నున్న వాఁడీతడు	॥ఆది॥
కుటిల దానవుల ^[1]కోటానఁగోట్ల యెటువలెఁ ^[2]ద్రుంచెనో యీతఁడు ఘటియించి యిటువంటి కారుణ్యరూపుఁడై యిటువలె నున్న వాఁడీతడు	॥ఆది॥
తక్కక బ్రహ్మాండతతులెల్ల మోచి తా- నెక్కడ నుండెనో యీతఁడు దిక్కుల వెలసిన తిరువేంకటేశుఁడై యిక్కడ నున్న వాఁడీతఁడు	॥ఆది॥

^[1] ‘లఁగోటాన’ పూ.ము.పా.

^[2] ‘దృంచె’ రేకు.