ఆంధ్రభారతి - తాళ్లపాక అన్నమాచార్య కీర్తనలు - అచ్చుతు కృపాలబ్ధ మదియుఁగాక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 243-4
సంపుటము: 3-245

తాళ్లపాక అన్నమాచార్య

రాగము: దేసాళం

అచ్చుతు కృపాలబ్ధ మదియుఁగాక మచ్చిక నాతఁడు సేసే మతకముఁ గాక	॥పల్లవి॥
నానాపాట్లఁ బడె నాఁడు కరి మకరిచే హీనదెస ప్రహ్లాదుడు హిరణ్యుచేఁ బాటువడె పానిపట్టి హరి యది పరిహరించనివాఁడా ఆనుక హరిదాసుల కంతటనే భంగమా	॥అచ్చు॥
తగిలి భీష్ముడు శరతల్పమందు నుండఁడా అగడై విభీషణుఁడు అన్నచేఁ దన్నువడఁడా పగపాడే చూచుచుండ భాగవతులను హరి (?) తగినపుణ్యుల నిందు తప్పు లెంచవచ్చునా	॥అచ్చు॥
మంతనాన నారదుఁడు మాయలకుఁ లోనుగాఁడా చెంతల నర్జునునకు చేతులు దెగిపడవా ఇంతలో శ్రీవేంకటేశుఁడిట్టె వీని మన్నించఁడా ఇంతటి మహానుభావు లిందుకు జడుతురా	॥అచ్చు॥