ఆంధ్రభారతి - తాళ్లపాక అన్నమాచార్య కీర్తనలు - తానే తెలియవలె తలఁచి దేహి తన్ను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 21-4
సంపుటము: 1-128

తాళ్లపాక అన్నమాచార్య

రాగము: గుండక్రియ

తానే తెలియవలె తలఁచి దేహి తన్ను మానుపువారలు మరి వేరీ	॥తానే॥
కడలేని భవసాగరము చొచ్చిన తన్ను వెడలించువారలు వేరీ కడుబంధములచేతఁ గట్టుపడిన తన్ను విడిపించువారలు వేరీ	॥తానే॥
కాఁగినినుమువంటి కర్మపు తలమోపు వేఁగు దించేటివారు వేరీ మూఁగిన మోహపు మూఁకలు తొడిఁబడ వీఁగఁ దోలేటివారలు వేరీ	॥తానే॥
తిరువేంకటాచలాధిపునిఁ గొలుపుమని వెరపు చెప్పెడువారు వేరీ పరివోని దురితకూపములఁ బడకుమని వెరపు చెప్పెడివారలు వేరీ	॥తానే॥