ఆంధ్రభారతి - తాళ్లపాక అన్నమాచార్య కీర్తనలు - నిత్యానందులము నిర్మలులమిదే నేము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 244-5
సంపుటము: 3-252

తాళ్లపాక అన్నమాచార్య

రాగము: భూపాళం

నిత్యానందులము నిర్మలులమిదే నేము సత్యముగ మమ్మాతఁడు సరిఁ బుట్టించఁగను	॥పల్లవి॥
యెక్కడవోయి వెదకే మిటమీఁద దైవమును వొక్కట నంతర్యామై వున్నాఁడదె ఇక్కడ నాతనిగుణా లెన్నేసి చదివే మిఁక పక్కన తన దాసుల భక్తికి సులభుఁడు	॥నిత్యా॥
యేమేమి వేఁడుకొనేము యిటమీఁద నాతని నామములు నాలికపై నటించీనదే నేమమున నింకా నెట్టు నిచ్చలు భుజించేమో కామించి సంసారపు కైంకర్య మాతనిదే	॥నిత్యా॥
ధ్యాన మేమని సేసేము తలఁచినందెల్లాను పూని శ్రీవేంకటేశుఁడే వుండఁగాను నానాఁట నిఁక నేమి నమ్మితి మనేదేమి పేని మమ్ముఁ దన కుక్షిఁబెట్టి పెంచఁగాను	॥నిత్యా॥