ఆంధ్రభారతి - తాళ్లపాక అన్నమాచార్య కీర్తనలు - వెనుబల మైననుఁ గావఁగ వేరీ విష్ణు డొఁకడేకాక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 245-1
సంపుటము: 3-254

తాళ్లపాక అన్నమాచార్య

రాగము: గుజ్జరి

వెనుబల మైననుఁ గావఁగ వేరీ విష్ణు డొఁకడేకాక అనుమానములన్నియు నుడిగితిని అలసితి నిఁక నేను	॥పల్లవి॥
పట్టిన చలము మానదు ప్రకృతి స్వతంత్రమున పెట్టేడి మాయలనే కమ్మర పెట్టదు వివేకము వుట్టితి నిన్నాళ్లాయను పొదలితి బుద్ధెరిఁగి దిట్టనై అదికాదని తోసేటి దీమనమూ లేదు	॥వెను॥
తగిలెడి‌ అనుబంధము మానదు తలఁపను నొకవంక తెగనియ్యదు కర్మము లేమిటిని తెగించుఁ బుణ్యముల నగుచునే ముదిమికి లోనైతి నానాఁటికి నేను మగటిమి నే దాని నణఁచను మరిగెడిదేకాని	॥వెను॥
చేసిన‌ అలవాటు మానఁడు జీవుఁడు తనగుణము వేసరదు అనుభవించుటకు వేసరు ముక్తికిని దాసునిఁగా శ్రీవేంకటేశుఁడు దయఁజూచెను నను నీవేళ మోసములన్నియును దేరెను మునుపు వెనక యేదో	॥వెను॥