ఆంధ్రభారతి - తాళ్లపాక అన్నమాచార్య కీర్తనలు - ఎటువంటి వెఱ్ఱినో యేమని విన్నివింతును - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 246-1
సంపుటము: 3-260

తాళ్లపాక అన్నమాచార్య

రాగము: దేసాక్షి

ఎటువంటి వెఱ్ఱినో యేమని విన్నివింతును ఘటనలు నావంటా గర్వింతునయ్యా	॥పల్లవి॥
తలఁచే తలఁపు నీది తనువు నీ విచ్చినది నిలిచిన జగమెల్లా నీ మయము వలవంత నే నిందులో వట్టియహంకారినై తెలియక నేనేయంటాఁ దిరిగేనయ్యా	॥ఎటు॥
సేసేచేఁత నీయాజ్ఞ చిత్తమెల్లా నీయిచ్చ రాసుల కర్మములు నీరపములివి ఆసపడి నే నిందులో అన్నియు నావనుచును పోసరించి మాయలలోఁ బొరలెదనయ్యా	॥ఎటు॥
ఇహము నీవినోదమే యెన్నఁ బరము నీసొమ్మే సహజము నీకు మాలో చైతన్యాలు మహిలో శ్రీవేంకటేశ మరి నీదాఁసుడనైతి బహుభక్తి నీమీఁదఁ బచరించేనయ్యా	॥ఎటు॥