ఆంధ్రభారతి - తాళ్లపాక అన్నమాచార్య కీర్తనలు - ఈతఁడు బలువుఁడౌట కివియే సాక్షి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 247-6
సంపుటము: 3-271

తాళ్లపాక అన్నమాచార్య

రాగము: పాడి

ఈతఁడు బలువుఁడౌట కివియే సాక్షి యీతఁడు బ్రహ్మమౌట కీతఁడే సాక్షి	॥పల్లవి॥
అమరుల మొరాలించి అసుర బాధలు మాన్పె అమరుల కెక్కుడౌట కదియే సాక్షి అమృతము పంచిపెట్టి యాదిలక్ష్మిఁ గైకొనె అమృతమథనమే అన్నిటికి సాక్షి	॥ఈతఁ॥
యిందరుండే బ్రహ్మాండాలు యిదె కుక్షి నించుకొనె యిందరి కెక్కుడగుట కిదియే సాక్షి కందువ వరములిచ్చు కడ నెన్నఁడు జెడవు కందువ పురాణాలలో కథలే సాక్షి	॥ఈతఁ॥
ఆది బ్రహ్మఁ బుట్టించె మఱ్ఱాకుమీఁదఁ దుదఁ దేలె ఆదినంత్య మీతఁడౌట కదివో సాక్షి పాదుగా శ్రీవేంకటాద్రిపై మహిమ వెదచల్లె పాదుకొన్నయీతని శ్రీపాదములే సాక్షి	॥ఈతఁ॥