ఆంధ్రభారతి - తాళ్లపాక అన్నమాచార్య కీర్తనలు - జీవుఁడ నేనొకఁడను సృష్టికిఁ గర్తవు నీవు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 248-4
సంపుటము: 3-275

తాళ్లపాక అన్నమాచార్య

రాగము: భైరవి

జీవుఁడ నేనొకఁడను సృష్టికిఁ గర్తవు నీవు యీవల ధర్మపుణ్యములివివో నీచేతివి	॥పల్లవి॥
పుట్టినయట్టి దోషాలు పురుషోత్తమా నీవు పట్టి తెంచివేయక పాయనేరవు గట్టిగా సంసారములోఁ గలిగిన లంపటాలు ముట్టి నీ వల్లనేకాని మోయరావు	॥జీవుఁ॥
పంచభూత వికారాలు పరమాత్ముఁడా నీవే కొంచక నీయాజ్ఞఁగాని కొద్ది నుండవు అంచెల జగములోని ‌ఆయా సహజములు వంచుక నీవల్లఁగాని వైపుగావు	॥జీవుఁ॥
చిత్తములో విజ్ఞానము శ్రీవేంకటేశ నీవె హత్తించి చూపినఁగాని యంకెకురాదు సత్తుగా నిన్నిటికి నీశరణుచొచ్చితి మిదె నిత్తెముఁ గావఁ బ్రోవ నీయిచ్చే యిఁకను	॥జీవుఁ॥