ఆంధ్రభారతి - తాళ్లపాక అన్నమాచార్య కీర్తనలు - పరగు బహుసజ్జన్మపరిపక్వహృదయుఁడై - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 22-1
సంపుటము: 1-131

తాళ్లపాక అన్నమాచార్య

రాగము: నారణి

పరగు బహుసజ్జన్మపరిపక్వహృదయుఁడై ^[1] మరి కదా వేదాంతమార్గంబు గనుట	॥పరగు॥
కలుషహరమగు వివేకమ్ము గలిగినయట్టి ఫలముగాదా కృపాపారీణుఁడౌట తలపోసి సకలభూతదయావిశేషంబు కలిగికాదా గుణవికారంబు గనుట	॥పరగు॥
యెదిరిఁ దనవలెనె తా నెఱఁగనేర్చిన ఫలము అదిగదా ద్రవ్యమోహంబు గడచనుట పదిలమగు నాశానుభవము పాపినయట్టి తుదగదా తాను సంతోషంబు గనుట	॥పరగు॥
రతి ^[2]పరాఙ్ముఖ మహారాజ్య మబ్బిన ఫలము మతి గదా తాను కర్మత్యాగియౌట తతితోడ ఫలపరిత్యాగి చిత్తవ్యాపి ధృతిగదా వేంకటాధిపు దాసుఁడౌట	॥పరగు॥

^[1] ‘యులై’ రేకు.

^[2] ‘పరాన్ముఖ’ రేకు.