ఆంధ్రభారతి - తాళ్లపాక అన్నమాచార్య కీర్తనలు - చలపాది రోగ మీసంసారము నేఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 22-2
సంపుటము: 1-132

తాళ్లపాక అన్నమాచార్య

రాగము: ముఖారి

చలపాది రోగ మీసంసారము నేఁడు బలువైన మందు విష్ణుభక్తి జీవులకు	॥చలపాది॥
కీడౌట మది నెఱింగియు మోహ మెడల దిది పాడైన విధికృతము బలవంతము ^[1]యీడనే ఇది మాన్ప హితవైన వజ్రాంగి జోడువో హరిఁ దలంచుట జీవులకును	॥చలపాది॥
హేయమని తెలిసి తా నిచ్చగించీ యాత్మ పాయ దీరతిసుఖము బలవంతము మాయ నుగ్గులుసేయ మాధవుని దంచనపు రాయివో వైరాగ్యరచన జీవులకు	॥చలపాది॥
పొలయు దురితంపు రొంపులు దన్ను వడి ముంచ పలుమారు జన్మ మీబలవంతము నెలవుకొని సకలంబు నిర్మలముగాఁ గడుగు జలధివో వేంకటేశ్వరుఁడు జీవులకు	॥చలపాది॥

^[1] ‘ఈడనే యిది’ పూ.ము.పా.