ఆంధ్రభారతి - తాళ్లపాక అన్నమాచార్య కీర్తనలు - దేహము దా నస్థిరమట దేహి చిరంతనుఁడౌనట - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 22-6
సంపుటము: 1-136

తాళ్లపాక అన్నమాచార్య

రాగము: శ్రీరాగం

దేహము దా నస్థిరమట దేహి చిరంతనుఁడౌనట దేహపు మోహపు సేఁతలు తీరుట లెన్నఁడొకో	॥దేహము॥
కన్నులఁ బుట్టినకాంక్షలు కప్పికదా దుర్బోధల కన్నులు మనసునుఁ దనియక గాసిఁ బడిరి జనులు తన్నిఁక నెరుఁగుట లెన్నఁడు తలఁపులు దొలఁగుట లెన్నఁడు తిన్నని పరవశములచేఁ దిరుగుట లెన్నఁడొకో	॥దేహము॥
సిగ్గులు దొలఁగని యాశలఁ జిక్కికదా దుర్మానపు సిగ్గుల యెగ్గులచేతను చిక్కువడిరి జనులు సిగ్గులు దొలఁగుట యెన్నఁడు చిత్తము లోనౌటెన్నఁడు తగ్గుల మొగ్గుల సేఁతలు తలఁగుట లెన్నఁడొకో	॥దేహము॥
మనసు బుట్టిన యాతఁడు మనసునఁ బెనగొని తిరుగఁగ మనసే తానగు దైవము మరచిరి యందరును అనయము తిరువేంకటపతి యాత్మఁ దలఁచి సుఖింపుచు ఘనమగు పరమానందము కలుగుట లెన్నఁడొకో	॥దేహము॥