ఆంధ్రభారతి - తాళ్లపాక అన్నమాచార్య కీర్తనలు - అక్కడ నెక్కడి నరకము ఆ మాటే కల్లా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 259-4
సంపుటము: 3-340

తాళ్లపాక అన్నమాచార్య

రాగము: ధన్నాసి

అక్కడ నెక్కడి నరకము ఆ మాటే కల్లా దిక్కుల ని(నిం?)దె ఇన్నియుఁ దీరుచుకొంటిమయ్యా	॥పల్లవి॥
తనువిది మలమూత్రంబుల(లు?) దాకొనియుండిన పట్ణము దినదినమును వుచ్చిష్టపుదిడ్లఁ దూరెదము జననము నెత్తురు నెమ్ములు సారెకు నూరెడిగుంతలు మనిమని నరకము చొచ్చిన మనుజుల మిదె నేము	॥అక్క॥
మదనజలంబుల కాలువ మాపెద్దల పూర్వంబులు(?) పొదలిన పుత్రుల యిసిళ్లపుట్టలు వెట్టెదము యెదుటనె సంసారంబులు యెడయని కారాగృహములు మదిమది నరకము చవిగొను మనుజుల మిదె నేము	॥అక్క॥
వుట్టినదే నగ్నత్వము బూతో బండో యెరఁగము చిట్టంట్లవాచవులగు జీవుల మ్రింగెదము నెట్టన శ్రీవేంకటేశ్వర నీతోఁ గూడఁగ జగములు మట్టినచోటే మట్టే మనుజుల మిదె నేము	॥అక్క॥